【Day 14】
今日係巴士度睇左一場花生騷。
由Plitvicka Jezera(十六湖)去Zadar既車一日唔係好多班，而最後一班就只去到5:23pm。我買左呢班車票並好準時仲早到左車站等。上左車後個方向係駛往Zadar，但去到某一個位停左一陣後突破番去Zagreb方向，即係番去湖個邊。
個時心諗，無理由架，我應該唔會搭錯車，因上車時要俾張車票俾個檢票員，所以把心一橫再睇下咩料子。
去到Bus station 2個時，見到竟然有三個鬼佬見到我地格好興奮咁係咁問：Zadar? Zadar?
我諗係個檢票員驚有人錯過左尾班車無得去Zadar就折番睇下有無遺孤。如是者又駛到去Bus station 1，果然仲有對法國情侶等巴士中。當佢地上車後，戲肉就到啦！
我用有限既英文聆聽技巧大概理解到：
車上有個女人突然發難問佢地點解遲到，法國情侶解釋已經幾點到巴士站但無車仲等左成個鐘。女人繼續話，法國男只對住檢票員重覆：I'm not talking to her, I want to sit down (此時車已開)。檢票員最終俾對情侶坐底又應該係叫女人算唔好噪。我以為事情已經完左。點知法國男突然打電話唔知去邊話要投訴個檢票員唔俾佢坐底，覺得好危險同有機會being killed，仲問個檢票員叫咩名。當然檢票員唔理佢啦。
最後唔知電話個個人講左咩終於平息左法國男既怒氣。唔，雖然我唔知巴士到底有無早開車令到有人真係上唔到車，但某程度上我係幾同情個檢票員。只少佢都好心番轉頭丫。係咪先？
如是者本來7:30pm就會到Zadar，最後攪到8:30pm左右先到。即去搵hostel，又係搵唔到。但次次都覺得自己撞到好人。今次撞到一個男人幫我打埋電話問路，而且仲車埋我去hostel門囗，但其實車程可能只需2分鐘左右……………哈哈哈！大感動！天下好人何期多！
今天美中不足既係去十六湖時天氣好差，好大霧仲落雨，能見度超低，白濛濛一片，只能說：別有一番風味…………
Blog：http://backpackersopoor.blogspot.hk/
U Blog:http://blog.ulifestyle.com.hk/blogger/backpackersopoor/
Search